کراچی: پاک بحریہ کے جہاز پی این ایس راہنورد، رسدگار اور آبدوز حشمت نے ایران اور عمان کا دورہ کیا۔ ترجمان پاک بحریہ کے مطابق ایران اور عمان کی بندرگاہ آمد پر میزبان بحریہ کے افسران اور پاکستانی سفارتی حکام نے پاک بحریہ کے فلوٹیلا کا استقبال کیا۔
پاک بحریہ کے مشن کمانڈر نے عمان اور ایران کے بحری حکام سے اہم ملاقاتیں کیں۔ترجمان نے کہا ملاقاتوں کے دوران باہمی دلچسپی کے امور بشمول دو طرفہ بحری تعاون کے فروغ پر تبادلہ خیال کیا گیا۔پاک بحریہ کے جہازوں نے ایرانی بحریہ کے ہمراہ مشترکہ بحری مشق میں شرکت کی۔
پاک بحریہ کے فلوٹیلا کے ایران اور عمان کے دورہ سے ان ممالک کے مابین بحری تعلقات کو مزید تقویت ملے گی۔
