نیو یارک : دنیا بھر میں آرٹیفشل انٹیلیجنس کی گونج اور اس کے کمالات دکھنا شروع ہوگئے ہیں، اب اسی طرح کا ایک نیا تجربہ مشہور شخصیات کے حوالے سے کیا گیا ہے۔غیر ملکی میڈیا کے مطابق ترکی سے تعلق رکھنے والے ایک فوٹوگرافر نے اس ٹیکنالوجی کو استعمال کرتے ہوئے مشہور شخصیات کے حوالے سے بتایا ہے کہ وہ اب سے 10 سال بعد کیسے دکھائی دیں گے۔
رپورٹس کے مطابق:ایلپر یسیلٹاس نامی فوٹوگرافر نے ایک پروجیکٹ کے حوالے سے یہ تصاویر بنائی ہیں جن میں کھیلوں اور انٹرٹینمنٹ کے علاوہ دیگر شعبوں سے تعلق رکھنے والی مشہور شخصیات شامل ہیں۔
تصاویر کو بنانے کے لیے آرٹیفیشل انٹیلی جنس اور فوٹو ایڈیٹنگ سافٹ ویئر کا استعمال کیا گیا ہے۔
رپورٹس کے مطابق اسٹار فٹبالر کرسٹیانو رونالڈو اور لیونل میسی کے علاوہ مشہور کینیڈین گلوکار جسٹن بیبر اور امریکی گلوکار بلی آئلش سمیت کئی مشہور شخصیات کو کئی سال عمر میں بڑا دیکھ کر لوگ حیرانی کا اظہار کر رہےہیں۔
