کراچی: قائد حزب اختلاف سندھ حلیم عادل شیخ نےکہا ہے کہ کراچی میں اسٹریٹ کرائم میں اضافہ ہوگیا ہے جس کی وجہ شہری غیر محفوظ ہوکر رہ گئے ہیں پولیس ناکام ہوچکی، ڈاکو آزاد گھوم رہے ہیں سال 2023 کے پہلے مہینے میں 14 شہری مزاحمت پر قتل ہوچکے،55 سے زائد افراد کو زخمی کیا گیا ہے ایک بار پھر بوری بند لاشیں ملنے کا سلسلہ بھی شروع ہوگیا ہے۔
حلیم عادل شیخ نے کہا مراد علی شاہ وزیر اعلیٰ اور وزیر داخلہ بھی ہیں کوئی جواب دے سکتے ہیں کہ کراچی کے معصوم شہریوں کی جانوں کا تحفُظ کون کریگا سندھ پولیس کیا کر رہی ہے پولیس کو سیاسی بنا دیا گیا ہے شہریوں کی جان و مال کا تحفظ کون کرے گا؟۔
انہوں نے کہاکہ اسٹریٹ کرائم کی وجہ سے شہریوں کا باہر نکلا بھی محال ہوگیا ہے ڈاکو سرے عام لوٹ مار کرتے ہوئے شہریوں کو نشانہ بنا رہے ہیں پولیس سیاسی پروٹول میں لگئی ہوئی ہے۔
