بانی ایم کیو ایم کی تقریر پر پابندی کیخلاف شہری نے سندھ ہائیکورٹ سے رجوع کرلیا۔
شہری محمد آفتاب الدین بقائی نے دائر درخواست میں موقف اپنایا ہے کہ بیرون ملک ملازمت کے بعد وطن واپس پہنچا تو پتہ چلا بانی ایم کیو ایم کی تقریر پر پابندی ہے۔
درخواست گزار نے لکھا کہ بانی ایم کیو ایم نے ہمشہ غریب اور متوسطہ طبقے کی بات کی ہے۔ بانی ایم کیو ایم جمہوریت، حقیقت پسندی، برابری اور انصاف کے حامی ہیں۔ بانی ایم کیو ایم نے مہاجروں کے حق کی بات ہے۔
درخواست گزار نے مؤقف اختیار کیا کہ بانی ایم کیو ایم نے مہاجر قومی موومنٹ کو ملکی مفاد کے لیے متحدہ قومی موومنٹ میں تبدیل کیا۔ بانی ایم کیو ایم نے غریب اور متوسط طبقے کے لیے فلاحی کام بھی کیے ہیں۔ بانی کیو ایم پر پاکستان اور بیرون ملک اشتعال انگیز تقاریر کا ایک بھی مقدمہ ثابت نہیں ہوا ہے۔
درخواست گزار نے یہ بھی لکھا کہ بانی ایم کیو ایم اپنی 22 اگست 2016 کی تقریر پر معافی مانگ چکے ہیں۔ درخواست میں بانی ایم کیو ایم کی تقریر پر پابندی ختم کرنے کا حکم دیتے کی استدعا کی گئی ہے۔ درخواست میں وفاقی حکومت، سیکریٹری قانون، سیکریٹری انفارمیشن اور پیمرا کو فریق بنایا گیا ہے۔
