کراچی:شہر کے مختلف مقامات سے ایک ہی لاش کے ٹکڑے برآمد ہونے پرخوف پھیل گیا۔
ریسکیو ذرائع کے مطابق پاپوش نگر قبرستان کے قریب سے ایک شخص کی لاش کے کچھ ٹکڑے ملے جنہیں بیگ میں بند کرکے پھینکا گیا تھا۔ بیگ میں سے مقتول کا دھڑ ملا ہے اور تھوڑے ہی فاصلے پر بنارس پل کے نیچے سے ایک ہاتھ بھی ملا ہے۔
ریسکیو حکام کا کہنا ہےکہ ملنے والی لاش کی شناخت کرنا ممکن نہیں ہے جبکہ لاش کے بقیہ حصوں کی تلاش کا سلسلہ ابھی جاری ہے۔
پولیس کا کہنا ہےکہ سفری بیگ سےخاتون کا دوپٹا بھی ملا ہے جس مقام سے انسانی بازو ملا وہاں سے بھی خاتون کے کپڑے ملے ہیں، انسانی بازوؤں کے فنگر پرنٹس ڈیوائس سے شناخت کی کوشش کی جارہی ہے۔
