کراچی،اسلام آباد: وزیر خارجہ بلاول بھٹو زرداری نے کہا ہے کہ دہشت گردی اور منشیات کی سمگلنگ بڑے چیلنجز ہیں جبکہ موسمیاتی تبدیلی کے باعث گلوبل وارمنگ جیسے مسائل بھی درپیش ہیں۔ دنیا کیساتھ ملکر ان تمام چیلنجز کامقابلہ کرنا ہوگا۔
کراچی میں میری ٹائم ایکسپو اور انٹرنیشنل کانفرنس سے خطاب کرتے ہوئے انہوں نے مزیدکہا کہ امن مشن وقت کی اہم ضرورت ہے۔ غیرملکی وفوداورتمام سٹیک ہولڈزکوخوش آمدید کہتاہوں ۔فوڈ سکیورٹی اورسیاحت میں سمندرکی اہمیت کواجاگرکرتے ہیں جبکہ بلیواکنامی کوملک کی معیشت کیلئےاستعمال کیا جاسکتا ہے۔
انہوں نے کہاکہ سمندری وسائل استعمال کرنے سے آنیوالی نسلوں کو فائدہ ہوگا کیونکہ پاکستان 85 فیصد تجارت سمندرکے ذریعے کرتا ہے۔تاہم موسمیاتی تبدیلیوں سے سمندرکی سطح بلندہورہی ہے۔ موسمیاتی تبدیلیوں سے گلوبل وارمنگ بھی بڑھ رہی ہے ۔
