ملتان : پی ایس ایل سیزن 8 کا آج افتتاحی میچ کھیلنے والی ٹیم ملتان سلطان کے کپتان محمد رضوان نے کہا کہ جو دلیری سے کھیلے گا جیت اس کا مقدر ہوگی ۔ہم دفاعی چیمپئن لاہور قلندر کے خلاف پوری تیاری کے ساتھ میدان میں اتریں گے ۔
گزشتہ شام ملتان سٹیڈیم میڈیا سنٹر میں پریس کانفرنس میں سلطانز کے کپتان نے مزید کہا کہ ملتان ہوم گرائونڈ ہے، کرائوڈ کا فائدہ ہوگا۔میں پہلی بار ملتان میں پی ایس ایل کھیلوں گا،مجھے بھی انتظار ہے۔
دفاعی چیمپئن لاہور قلندر کے کپتان شاہین آفریدی نے کہا ہے کہ کوئی بھی ٹیم ہلکی نہیں ہے آج سلطانز کا ٹاپ بیٹنگ آرڈر ہمارا پہلا ہدف ہو گا ، پریس کانفرنس میں انہوں نے کہا کہ جب قلندرز میدان میں اتریں گے تو ہمارا فوکس مثبت کرکٹ کھیلنے پر رہے گا۔میری اور میری ٹیم کے ہر کھلاڑی کی کوشش بیسٹ پرفارمنس پر ہو گی۔
اپنے انجری ایشو بارے شاہین نے کہا کہ یہ تو پارٹ آف گیم ہے ، انہوں نے پی ایس ایل 8 میں شریک تمام ٹیموں کو فیورٹ قرار دیا۔
