ممبئی: بالی ووڈ کی ماضی کی معروف اداکارہ اور کئی ہٹ فلموں میں مرکزی کردار ادا کرنے والی زینت امان نے انسٹاگرام پر اپنا ڈیبیو کرلیا۔اب وہ بھی انسٹاگرام نہ صرف استعمال کرینگی بلکہ اس کے ذریعے انڈسٹری کے لوگوں، اپنے فینز اور فلم بینوں سے رابطے میں رہیں گی۔
انہوں نے انسٹا گرام پر عام گھریلو اور پرسکون لباس زیب تن کیے تصویر لگائی ہے۔ 1970 کے عشرے کی مقبول ترین اداکارہ جو اب 72 برس کی ہیں۔
انہوں نے پوسٹ شیئر کرتے ہوئے خیال ظاہر کیا کہ وہ 70 کے عشرے میں فلموں میں کام کرنے والی غالباً واحد خاتون اداکارہ ہیں جو اب انسٹاگرام یوزر بنی ہیں۔
انہوں نے اس اْمید کا اظہار کیا کہ وہ اب عہد حاضر کی نوجوان اداکاراؤں کے ساتھ رابطے میں رہیں گی۔
