اسلام آباد : پاک فوج کے خلاف سوشل میڈیا کمپین چلانے والے شخص کو 5 سال قید کی سزا سنا دی گئی۔فیصل آباد کے سکندر زمان نے لسبیلہ میں آرمی ہیلی کاپٹر گرنے کے بعد گمراہ کن پوسٹس کی تھیں۔گمراہ کن پوسٹس کرنے کے بعد ایف اے آئی اے ملزم کے خلاف حرکت میں آئی تھی۔
ملزم کے خلاف پیکا ایکٹ کے سیکشن 20 اور 24 سی کے تحت کارروائی کی گئی۔
عدالت نے فوج مخالف سوشل میڈیا کمپین چلانے والے شخص کو 5 سال قید اور ڈھائی لاکھ روپے جرمانے کی سزا سنائی۔
ایف آئی اے کی دستاویز میں کہا گیا تھا کہ سوشل میڈیا کے کل 580 اکاؤنٹس کی چھان بین کی گئی۔178 اکاؤنٹس پر پی ٹی آئی کا جھنڈا یا نشان پائے گئے۔ 18 بھارتی اکاؤنٹس بھی پاک فوج کے شہدا کیخلاف مہم میں شامل تھے۔
