کراچی: ایم کیو ایم پاکستان کے حق پرست اراکین سندھ اسمبلی نے بیان میں کہا ہےکہ تدریسی عمل معطل ہونے کے باوجود بھی جامعہ کراچی اساتذہ کے مطالبات تسلیم نہیں کئے جارہے، جامعہ میں بدعنوانیاں قابل قبول نہیں، جامعہ میں 4 سال سے اساتذہ کی ترقی اور نئی بھرتیوں کے مسائل درپیش ہیں، جس کے باعث طلبہ و طالبات کا نقصان ہورہا ہے۔
ان کا مزید کہنا تھا کہ فائنانس ڈائریکٹر، سندھ حکومت کی بدنیتی جاری ہے، جس میں وی سی کا عمل دخل نہیں، بدنظمیوں کا نوٹس لیا جائے، جامعہ کے شعبہ قانون میں رواں سال کراچی کے نوجوانوں کو داخلہ نہ دیکر حق تلفی کی گئی، مہنگائی کے باوجود مزید فیس وصول کرنا نا انصافی ہے، گورنر سندھ، وزیراعلیٰ اساتذہ کے جائز مطالبات تسلیم کریں۔
