لاہور : اورنج ٹرین اسٹیشن پر مسافر کے تشدد سے سکیورٹی گارڈ جاں بحق ہو گیا۔
لاہور کے اورنج ٹرین اسٹیشن پر انتہائی افسوسناک واقعہ پیش آیا جس میں ڈیوٹی پر تعینات سکیورٹی گارڈ جاں بحق ہو گیا۔
رپورٹس کے مطابق ایک شہری میٹرو ٹرین لیڈیز کیبن میں گھسنے لگا جس پر گارڈ نے منع کیا۔منع کرنے پر ملزم طیش میں آ گیا اورسیکیورٹی گارڈ پر تشدد کیا۔
پولیس کے مطابق ملزم کی جانب سے سکیورٹی گارڈ پر اتنا تشدد کیا گیا کہ وہ جان سے ہاتھ دھو بیٹھا۔پولیس نے ملزم کو گرفتار کر لیا۔پولیس نے ملزم کے خلاف مقدمہ درج کرکے مزید تفتیش کا آغاز کر دیا۔
پولیس ذرائع کا کہنا ہے کہ معاملے سے متعلق قانونی کارروائی عمل میں لائیں گے۔
واقعے کے بعد اورنج ٹرین اسٹیشن پر موجود شہریوں میں بھی خوف و ہراس پھیل گیا۔
