کراچی: ایس آئی یو نے شارع نورجہاں سے اجرتی قاتل احمد شیرین عرف شیرین جانان عرف خلجی ولد گلاب خان عرف گلاب شیرین کو گرفتارکرلیا،ملزم نے مبینہ طورپراجرت پرلوگوں کو قتل کرنے،اپنی بیوی کو بھی قتل کرنے اوراپنی سالی کو اغوا کرکے فروخت کرنے کا انکشاف کیا ہے۔
مبینہ طورپرملزم نے سال 2007 میں پاک کالونی میں بدین نامی شخص کو اجرت پر اپنے دیگرساتھیوں کیساتھ مل کر فائرنگ کرکے قتل کیا تھا جسکا مقدمہ الزام نمبر 182/2007 تھانہ پاک کالونی کراچی میں درج ہے اورملزم اس کیس میں اشتہاری تھا،سال 2007 میں اپنی سالی سعدیہ کو ساتھیوں کے ساتھ ملکر کورنگی سے اغوا کیا تھا اورفیصل آباد میں افغان شہری کو ایک لاکھ میں فروخت کیا۔
ملزم نے 2010 میں بیوی کو صوبہ خیبرپختونخوا لے جاکرقتل کیا تھا،ملزم نے جہانزیب نامی شخص کے کہنے پرقاٸد آباد میں زمین کے جھگڑے پرلالے نامی شخص کو قتل کرنیکا انکشاف کیا ہے۔
ایس آئی یو نے گلستان جوہرسے بینکوں سے کیش لیکرجانے والوں کو لوٹنے والے 2 ڈکیت گرفتارکرلئے،ملزمان میں محمد عمران شاہ ولد محمد صدیق اورجنید احمد ولد راشد احمد شامل ہیں۔
