کراچی : گلستان جوہر میں ماہر تعلیم خالد رضا کا قتل کی تفتیش میں ہوش ربا انکشافات سامنے آئے ہیں۔ذرائع کے مطابق خالد رضا کی ریکی 3 ماہ قبل شروع کی گئی،خالد رضا کو 3 ماہ قبل گھر پر ایک پارسل موصول ہوا تھا،رائیڈر نے پارسل خالد رضا کے گھر کی تصدیق کے بعد اہل خانہ کے حوالے کیا۔
ذرائع کے مطابق پارسل میں سے گھڑی نکلی جس میں وقت 8 بجکر 10 منٹ تھا,اہلخانہ نے پارسل پہنچانے والے رائیڈر کو گھر کی ویڈیو بناتے ہوئے دیکھا،اہلخانہ کے روکنے پر رائیڈر بھاگ نکلا،گھڑی کے ساتھ ملنے والی پرچی پر “بیسٹ وشز خالد رضا” درج تھا۔
خالد رضا کو 26 فروری کی شب رات 8 بجکر 10 منٹ پر ہی قتل کیا گیا تھا۔تفتیشی حکام نے پارسل رائیڈر کے حوالے سے تفصیلات جمع کرنا شروع کر دی ہیں۔
