کراچی: انسداد دہشتگردی کی خصوصی عدالت نے دھماکہ خیز مواد اور غیر قانونی اسلحہ کے مقدمے میں گینگ وار کے 2 کارندوں کو مجموعی طور پر 35، 35 سال کی سزا کا حکم دیدیا۔
کراچی میں انسداد دہشتگردی کی خصوصی عدالت نے دھماکہ خیز مواد اور غیر قانونی اسلحہ کے مقدمے کا فیصلہ سنادیا۔
عدالت نے لیاری گینگ وار کے دو کارندوں ملزمان ایوب عرف ملا اور اشفاق عرف شاہ نواز کو سزا سنادی۔ عدالت نے دونوں ملزمان کو مجموعی طور پر 35، 35 سال قید کی سزا کا حکم دیدیا۔ عدالت نے ملزمان پر ایک ایک لاکھ روپے جرمانہ بھی عائد کیا ہے۔
پولیس کے مطابق ملزمان کیخلاف دھماکہ خیز مواد اور غیر قانونی اسلحہ رکھنے کا الزام تھا۔ ملزمان کیخلاف نومبر 2022 میں بغدادی تھانے میں مقدمہ درج کیا گیا تھا۔
ملزمان دیگر سنگین جرائم میں بھی ملوث ہیں۔ ملزمان کا تعلق لیاری گینگ وار سے ہے۔
