کراچی: قانون نافذ کرنے والے اداروں نے عزیر بلوچ کے قریبی ساتھیوں کے گرد گھیرا تنگ کر دیا گذشتہ رات حب چوکی سے عزیر بلوچ کے انتہائی قریبی ساتھی یوسف پٹھان کو گرفتار کرلیا گیا۔
پولیس کے مطابق یوسف پٹھان دہشت گردی، اغواء برائے تاوان، قتل اور اقدام قتل سمیت دیگر سنگین جرائم میں ملوث ہے، ملزم پولیس پر حملوں میں بھی مطوب تھا یوسف پٹھان گذشتہ سال پولیس مقابلے کے بعد بلوچستان فرار ہوگیا تھا، رواں سال ملزم ایک بار پھر واپس آیا لیکن پولیس مقابلے میں بچ کر فرار ہوگیا تھا۔
مقابلوں کے دوران ملزم کے قریبی ساتھی بلال بھیا اور عرفان پٹھان مارے گئے تھے یوسف پٹھان کا سنگولین، افشانی گلی اور چاکیواڑہ سمیت دیگر علاقوں پر مکمل کنٹرول تھا، پولیس کا کہنا ہے عزیر بلوچ کے گرفتاری سے بچ جانے والے دیگر ساتھیوں کے اطراف بھی گھیرا تنگ کیا جا چکا ہے بہت جلد وہ بھی قانون کے شکنجے میں ہوں گے۔
