فیصل آباد: وفاقی وزیرداخلہ اورمسلم لیگ ن پنجاب کے صدرراناثنااﷲ خاں نے کہاہے کہ عارف علوی عمران خان کے صرف دانت تبدیل کرسکتے ہیں سیاست تبدیل نہیں کر سکتے۔
اُن کاکہناتھاکہ عمران خان جب گرفت میں آئے گاتواس کاسوفٹ ویئرخودبخوددرست ہوجائے گا۔شہبازگل اوراعظم سواتی سمیت پی ٹی آئی کے جولوگ چندماہ اورچندہفتے جیل میں رہے اُن کی زبان کولگام آگئی ہے۔اُمیدہے عمران خان بھی ایک ہفتہ جیل میں رہنے کے بعداپنی زبان کولگام دے دیں گے کیونکہ اُنہیں جیل میں ذہنی سکون کی سہولت میسرنہیں ہوگی۔
خبر ایجنسی سے گفتگوکرتے ہوئے ردعمل میں اُنہوں نے کہاکہ مخالفین کوبے غیرت کہنے والاخودغیرت مندنہیں ضرورت مندہے۔ مقدمات میں ثاقب نثارباقیات سے سہولت ملنے کے سوا اُن کی کسی جگہ سے ضرورت پوری نہیں ہورہی اس لئے وہ24 گھنٹے مخالفین کیلئےگھٹیازبان اورعسکری قیادت سے فیضیاب نہ ہونے پرسابق امریکی مندوب زلمے خلیل زادسے مددچاہتے ہیں۔ اکتوبرتک ہوافضاتبدیل اورفلم سوہراتے جوائی بھی ختم ہوجائے گی ۔اُنہوں نے کہاکہ ہمارامقابلہ پی ٹی آئی سے نہیں صرف مہنگائی سے ہے۔
انہوں نے کہاکہ ملکی تاریخ میں پہلی بارغریب عوام کویکمشت20کلوآٹے کے مفت تھیلے فراہم کئے جارہے ہیں عنقریب پٹرول اوربجلی کی قیمتوں میں بھی زیادہ سے زیادہ کمی کی جائے گی۔یوٹیلٹی اسٹورزپرچینی، گھی سمیت روزمرہ کی تمام اشیاء میں20سے30فیصدکمی کی گئی ہے۔
ان کا کہناتھاکہ اﷲ تعالیٰ نے چاہا تو ملک میں معاشی استحکام بھی آئے گااورسیاسی بھی۔میاں نوازشریف بھی عام انتخابات سے قبل جھوٹے اوربے بنیادمقدمات سے سرخرواورپاکستان میں پارٹی کی قیادت کریں گے۔
عمران خان کا سافٹ ویئر کب اپ ڈیٹ ہوگا ؟ رانا ثنا نے بتا دیا !
