وزیراعظم نے ہاتھ کھڑے کر دیے ، اکتوبر سے قبل الیکشن کاانعقاد مشکل قرار دے دیا

لاہور:وزیراعظم شہباز شریف نے کہا ہے کہ پنجاب اور خیبرپختونخوا الیکشن اکتوبر سے قبل کرانا مشکل ہے، الیکشن ہونےچاہئیں لیکن موجودہ صورتحال میں ممکن نہیں۔
ذرائع کے مطابق وزیراعظم شہباز شریف کی زیرصدارت لاہور میں مسلم لیگ ن کامشاورتی اجلاس ہوا،اجلاس میں ملک احمد خان،سردارایازصادق،عطاتارڑ،احد چیمہ سمیت دیگررہنمائوں نے شرکت کی،ذرائع کے مطابق مشاورتی اجلاس میں سپریم کورٹ میں آج سماعت کے حوالے سے آئینی و قانونی پہلوئوں پرغورکیاگیا،اجلاس میں وزیرقانون اعظم تارڑ نےسپریم کورٹ کی آج ہونیوالی سماعت پربریفنگ دی، فل بینچ کی استدعامستردہونے پرریویومیں جانے کے قانونی پہلوئوں پرمشاورت کی گئی۔
ذرائع کے مطابق اجلاس میں اظہارخیال کرتے ہوئے وزیراعظم شہباز شریف نے کہا کہ الیکشن ہونے چاہئیں لیکن موجودہ صورتحال میں ممکن نہیں، پنجاب اور کے پی الیکشن اکتوبر سے قبل کرانا مشکل ہے، ہم ملکی معیشت ٹھیک کرنے کیلئے دن رات کوشش کررہے ہیں،مہنگائی کی لہرپرجلد قابوپالیں گے،تعمیری سیاست پریقین رکھتے ہیں،یہ وقت تخریبی سیاست کانہیں۔
ن لیگی رہنماؤں نے اجلاس میں اظہارخیال کرتے ہوئے کہاکہ سپریم کورٹ کا احترام ہے لیکن اختلافی نوٹ سے ابہام پیدا ہو گیا۔