ساتواں عبدالرزاق آرائیں رمضان نائٹ روک بال ٹورنامنٹ شروع

کراچی:ساتواں عبدالرزاق آرائیں رمضان نائٹ روک بال ٹورنامنٹ منی اسپورٹس کمپلیکس ناظم آباد میں شروع ہوگیا۔
ٹورنامنٹ کا افتتاح سی ای او میڈی کیم ظفر باری اور پاکستان روک بال فیڈریشن کے چیئرمین سعید احمد آرائیں نے کیا، اس موقع پر ورلڈ تھرو بال فیڈریشن کے صدر مقبول آرائیں، پی ٹی ایف کی رکن نرمین ناز، کراچی اسٹوڈنٹس اولمپک کے صدر عظمت پاشا، پاکستان جمپ روپ اسکیپنگ فیڈریشن کے سیکرٹری شارق صدیقی، سندھ ایتھلیٹکس ایسوسی ایشن کے سیکرٹری اظہر صمدانی، نواب شاہ تھرو بال کے صدر شبیر چانڈیو، اختر سیکرٹری کے آر ایس اے، طفیل ڈی ایس پی بھی موجود تھے۔
ٹورنامنٹ میں 16 ٹیمیں حصہ لے رہی ہیں، افتتاحی روز میچز میں شیناکی کلب نے استور کلب کو 0-2 سے ہرادیا، بھورا سمیشرز نے وارئیرز کلب پر 0-2 سے کامیابی حاصل کی۔
وارئیرز کلب نے پینتھر کلب سے 0-2 سے فتح حاصل کی، گارڈن کلب نے استور کلب کو 0-2 سے شکست دی، بھورا سمیشرز نے پینتھر کلب کو 0-2 سے اور شیناکی کلب نے گارڈن کلب کو 0-2 سے ہرایا۔