نیو چالی میں کثیر المنزلہ عمارت میں آگ پر مکمل قابو پالیا گیا , ایک شخص جاں بحق

کراچی : نیو چالی میں کثیر المنزلہ عمارت میں لگی آگ پر مکمل قابو پالیا گیا تاہم اس واقعے میں ایک شخص کی جان ضائع ہوگئی۔عمارت کی دسویں منزل پر لگنے والی آگ کئی منزلوں تک پھیل گئی تھی، امدادی ٹیموں نے عمارت سے 43 افراد کو بحفاظت ریسکیو کیا۔
ریسکیو ذرائع کے مطابق عمارت میں دم گھٹنے سے 3 افراد بے ہوش ہوئے جن میں سے ایک شخص اسپتال میں دم توڑ گیا۔فائر بریگیڈ حکام کے مطابق عمارت کے شیشے توڑ کر آگ کی شدت کو کم کیا گیا، 10 فائر ٹینڈرز، اسنارکل اور 3 واٹر باؤزر کی مدد سے آگ پر قابو پایا گیا۔

اپنا تبصرہ بھیجیں: