اسلام آباد : ایم کیو ایم پاکستان نے مردم شماری سے متعلق حکومتی رویئے پر اظہار اطمینان کر دیا۔
زرائع کے مطابق ایم کیو ایم پاکستان کی جانب سے جاری اعلامیے میں کہا گیا ہے کہ حکومت اور ایم کیوایم پاکستان کے وفود کی ملاقات ہوئی ۔
ایم کیو ایم کے وفد کی سربراہی خالد مقبول نے کی جبکہ دیگر رہنماؤں میں مصطفی کمال، فاروق ستار، اور امین الحق شامل تھے۔
جبکہ حکومت کی جانب سے خواجہ آصف، احسن اقبال اور سعد رفیق شریک ہوئے۔
ملاقات کے دوران مردم شماری کے اعدادوشمار کے تمام پہلوؤں کا تفصیلی جائزہ لیا گیا۔
ایم کیو ایم نے مردم شماری میں ہونے والی ناانصایوں پر کراچی کا مقدمہ پیش کیا۔
