کراچی: سپرمارکیٹ پولیس نے لیاقت آباد میں نوجوان لڑکی سے پرس چھیننے کا مقدمہ بھائی کی مدعیت میں درج کرلیا ۔
قائم مقام ایس ایچ او سپر مارکیٹ سب انسپکٹر فیروز خان نے بتایا کہ موٹر سائیکل سوار ڈاکوؤں کا نشانہ بننے والی لڑکی گلی سے گزر رہی تھی کہ اس دوران موٹر سائیکل سوار 2 ڈاکوؤں نے اس کا پرس لیا جس میں ایک ہزار روپے اور موبائل فون موجود تھا ۔
لڑکی نے بھی اسٹریٹ کرمنلز سے مزاحمت کی اور انھیں پکڑنے کی بھی کوشش کی لیکن وہ اس میں ناکام رہی اور ملزمان بچ نکلنے میں کامیاب ہوگئے۔
مذکورہ واقعہ کی فوٹیج بھی سوشل میڈیا پر وائرل ہوگئی تھی جبکہ پرس چھیننے کا واقعہ 4 مئی کو پیش آیا تھا ۔
