اسلام آباد سپریم کورٹ نے چیئرمین عمران خان کو بنی گالہ جانے کی اجازت نہ دی، عدالت نے انہیں پولیس لائنز کے گیسٹ ہاؤس میں رکھنے کا حکم دے دیا۔
عمران خان کی گرفتاری کے حوالے سے کیس کی سماعت کے دوران عدالت نے ان کی گرفتاری کو غیر قانونی قرار دیتے ہوئے انہیں رہا کرنے کا حکم دے دیا۔
عمران خان نے استدعا کی کہ انہیں اپنے گھر بنی گالہ جانے کی اجازت دی جائے تاہم عدالت نے ان کی یہ استدعا مسترد کردی۔
چیف جسٹس نے قرار دیا کہ اب عمران خان کی سیکیورٹی کا مسئلہ ہے اس لیے عدالت جہاں کہے گی انہیں وہاں رکھا جائے گا۔
اس دوران ان کے وکلا اور رشتے داروں کو ان سے ملاقات کی اجازت ہوگی۔
10 لوگ عمران خان سے ملاقات اور مشاورت کرسکیں گے۔
اگر وہ ان کے ساتھ رات بھر رہنا چاہیں یا صبح تک رہنا چاہیں تو رہ سکتے ہیں۔
سپریم کورٹ نے حکم دیا ہے کہ عمران خان کے کیس کی سماعت صبح 11 بجے اسلام آباد ہائیکورٹ میں ہوگی ۔
