پاکستان تحریک انصاف سندھ کے صدر اور اپوزیشن لیڈر حلیم عادل شیخ نے کہا ہے کہ میئر کراچی کے انتخابات میں پی ٹی آئی کے اراکین کسی کی حمایت یا مخالفت نہیں کریں گے۔
انہوں نے کہا کہ ہم اس معاملے میں غیرجانبدار رہیں گے اور جماعت اسلامی سمیت کسی کو بھی ووٹ نہیں دیں گے۔
تحریک انصاف سندھ کے صدر حلیم عادل شیخ نے کراچی میئر کے انتخابات میں غیر جانبدار رہنے کا اعلان کردیا۔
ہم جماعت اسلامی یا کسی جماعت کو ووٹ نہیں دیں گے۔#چندہ_خور_جماعت_اسلامی pic.twitter.com/AO0MLAYFw5— Rab Nawaz Baloch (@RabNBaloch) June 12, 2023
دوسری جانب پاکستان مسلم لیگ ن میں وفاق میں اتحاد کے تناظر میں میئر کراچی کے لیے پاکستان پیپلزپارٹی کے امیدوار کی غیر مشروط حمایت کا اعلان کرتے ہوئے اراکین کو ووٹ دینے کی ہدایت کردی۔
واضح رہے کہ پاکستان پیپلزپارٹی کی جانب سے میئر کراچی کے لیے مرتضی وہاب کا نام منتخب کیا گیا ہے جبکہ جماعت اسلامی کی جانب سے حافظ نعیم میئر کا انتخاب لڑیں گے۔
