شہر قائد کے علاقے موچکو کے علاقے مشرف کالونی میں نوعمر لڑکی پر سوتیلی ماں کے تشدد کی اطلاع پر پولیس نے بچی کے والد اور اس کی سوتیلی ماہ کو اپنی تحویل میں لے لیا۔
اس حوالے ترجمان ڈسٹرکٹ کیماڑی کے مطابق نوعمر لڑکی پر تشدد کی ویڈیو موصول ہونے پر موچکو پولیس نے فوری طور پر متاثرہ بچی کو علاج معالجہ کے لیے سول اسپتال منتقل کر دیا۔
لڑکی کی شناخت 12 سالہ انوشہ دختر عمران الہی کے نام سے کی گئی جبکہ ابتدائی تحقیقات کے مطابق بچی کو اس کی سوتیلی ماں گلناز زوجہ عمران الہی نے گرم آہنی راڈ سے تشدد کیا ہے جسں سے بچی کے جسم پر جھلسنے کے نشانات بھی واضع پائے گئے۔
ترجمان کے مطابق بچی کے والد اور سوتیلی ماں کو پولیس نے پوچھ گچھ کے لیے تحویل میں لے لیا گیا ہے جبکہ ایم ایل او رپورٹ کے بعد مزید قانونی کارروائی عمل میں لائی جائے گی۔
