کراچی سمیت سندھ کے مختلف علاقوں میں ڈبل سواری پر پابندی عائد کر دی گئی۔
سندھ کے مختلف اضلاع میں ڈبل سواری پر پابندی عائد کردی گئی، جس کا محکمہ داخلہ سندھ نے پابندی کا نوٹیفکیشن بھی جاری کردیا۔
کراچی کے ضلع وسطی ، شرقی اور جنوبی میں 8 ربیع الاول سے 12 ربیع الاول تک یعنی 25 ستمبر سے 29 ستمبر تک ڈبل سواری پر پابندی عائد کی گئی ہے۔
سندھ کے 13 مختلف اضلاع میں پابندی عائد کی گئی ہے۔ حیدرآباد ، دادو ، سکھر ، خیر پور ، گھوٹکی ، لاڑکانہ ، قمبر ، جیکب آباد کشمور اور شہید بے نظیر آباد میں ڈبل سواری پر پابندی ہوگئی۔
