راولپںڈی: پاک فوج کے سربراہ جنرل قمر جاوید باجوہ اور پاکستان میں افغان سفیر ڈاکٹر عمر زاخیل وال کی جنرل ہیڈ کوارٹرز (جی ایچ کیو) میں ملاقات ہوئی جس میں دو طرفہ تعلقات کو مزید بہتر کرنے کے حوالے سے اقدامات پر غور کیا گیا۔
پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے کے مطابق پاک فوج کے سربراہ اور افغان سفیر کی ملاقات میں خطے میں سیکیورٹی کی صورتحال کے ساتھ ساتھ باہمی دلچسپی کے امور بھی زیر بحث آئے۔
آئی ایس پی آر کے مطابق جنرل قمر جاوید باجوہ اور افغان سفیر ڈاکٹر عمر زاخیل کی اس ملاقات میں دو طرفہ تعاون میں بتدریج بہتری پر اطمینان کا اظہار کیا گیا۔
Today, met with Pak COAS Gen Bajwa for detailed discussion on host of issues including steps helpful for peace&stability for both nations. pic.twitter.com/e3i3DDDd2h
— Dr Omar Zakhilwal (@DrOmarZakhilwal) September 20, 2017
سماجی رابطے کی ویب سائٹ ٹوئٹر پر اپنے ایک پیغام میں افغان سفیر نے لکھا کہ ’ آج پاک فوج کے سربراہ جنرل قمر باجوہ سے ملاقات ہوئی جس کے دوران مختلف مسائل پر بات چیت ہوئی اور دونوں اقوام کے لیے امن و استحکام میں مدد گار اقدامات بھی زیر بحث آئے۔‘
