پاکستان پیپلزپارٹی کے چیئرمین بلاول بھٹو زرداری نے کنوینئر ایم کیو ایم خالد مقبول صدیقی کی والدہ کے انتقال پر اظہار تعزیت کیا ہے۔
انہوں نے اپنے ایک بیان میں کہا کہ خالد مقبول صدیقی اور ان کے خاندان کے غم میں برابر کا شریک ہوں اور مرحومہ کے درجات کی بلندی کے لیے دعا گو ہوں۔
بلاول بھٹو نے کہا کہ والدہ جیسی ہستی کا جہان فانی سے کوچ کر جانے کا زخم کبھی نہیں بھرتا، خدا خالد مقبول صدیقی اور ان کے خاندان کو صبر جمیل عطا فرمائے۔
واضح رہے کہ عمر رسیدگی کے باعث طویل عرصے امراض اور طبی پیچیدگیوں کا شکار خالد مقبول صدیقی کی والدہ کئی روز سے نجی اسپتال میں زیر علاج تھیں، جہاں وہ انتقال کرگئیں۔
مرحومہ کی نماز جنازہ بعد نماز ظہر عزیز آباد میں واقع تبلیغی جماعت کے مرکز مدنی مسجد میں ادا کی جائے گی جبکہ تدفین یاسین آباد قبرستان میں ہوگی۔
