کراچی: سینئر صحافی اور معروف اینکرپرسن اقرارالحسن نے گذشتہ دنوں وضاحت کی کہ انہوں نے پانچ سال قبل دو شادیاں کیں اور اب اُن کی دونوں بیگمات بخوشی اور رضامندی سے ایک دوسرے کے ساتھ رہتی ہیں۔
اقرار الحسن کی دوسری شادی کا معاملہ اُس وقت سامنے آیا کہ جب انہوں نے سماجی رابطے کی ویب سائٹ پر اپنی ایک تصویر شیئر کی جس میں پیچھے ایک خاتون کھڑی تھیں۔
ایک صارف نے اقرار الحسن سے خاتون کے بارے میں وضاحت طلب کی جس کے بعد اقرار نے ویڈیو کے ذریعے تمام پیغام دیا۔
معروف اینکر پرسن کی دوسری اہلیہ کا تعلق بھی میڈیا انڈسٹری سے ہے، دوسری اہلیہ کا نام فرح یوسف ہے اور وہ سماء نیوز میں بطور اینکر پرسن اپنے فرائض انجام دے رہی ہیں جبکہ اقرار کی پہلی اہلیہ کا تعلق بھی میڈیا انڈسٹری سے تھا۔
Hiding ?? You must be kidding. Here’s the answer. My both wives and my son 🙂 pic.twitter.com/ulSn0LYGjT
— Iqrar ul Hassan Syed (@iqrarulhassan) April 10, 2018
اقرار الحسن نے اپنے ویڈیو بیان میں اس بات کی تصدیق کی کہ میرا دوسرا نکاح پانچ سال قبل ہوا اور اُس وقت مجھے کوئی نہیں جانتا تھا، یہ کن حالات میں ہوا اور کیسے ہوا اس بارے میں بات نہیں کرسکتا کیونکہ یہ نہ صرف میری بلکہ کسی اور کی عزت نفس کا بھی مسئلہ ہے۔
اتفاق سے اقرار الحسن نے پہلی شادی بھی اینکر پرسن سے کی جو اے آر وائی پر رات کا بلیٹن پڑھتی تھیں بعد ازاں اقرار نے دوسرا نکاح کیا۔
خبر کو عام عوام تک پہنچانے میں ہمارا ساتھ دیں، صارفین کے کمنٹس سے ادارے کا کوئی تعلق نہیں ہے۔
