نوابشاہ: ایم کیو ایم پاکستان اور گرینڈ ڈیموکریٹک الائنس نے پیپلزپارٹی کے شریک چئیرمین آصف علی زرداری کو قومی اسمبلی کے حلقہ این اے 213 پر شکست دینے کے لیے سیٹ ایڈجسٹمنٹ کا اعلان کردیا۔
تفصیلات کے مطابق جے ڈی اے اور ایم کیو ایم نے پیپلزپارٹی کو نوابشاہ میں ٹف ٹائم دینے کا فیصلہ کرتے ہوئے اتحاد کا اعلان کیا جس کے مطابق آصف زرداری کے مد مقابل متحدہ کے حلقہ این اے 213 پر نامزد امیدوار عبدالرؤف صدیقی گرینڈ ڈیموکریٹک الائنس کے امیدوار کے حق میں دستبردار ہوگئے۔
قومی اسمبلی کے اس حلقے سے ایم کیو ایم اور جی ڈی اے کے مشترکہ امیدوار سردار بشیر محمد رند ہوں گے جبکہ گرینڈ ڈیموکریٹک الائنس صوبائی اسمبلی کی نشست پی ایس 38 پر متحدہ کے امیدوار کی حمایت کرے گی۔
قومی اسمبلی کی طرح نوابشاہ کی صوبائی نشست پر دونوں جماعتوں کے مشترکہ امیدوار نعیم اختر ہوں گے جن کا تعلق ایم کیو ایم پاکستان سے ہے۔
خبر کو عام عوام تک پہنچانے میں ہمارا ساتھ دیں، صارفین کے کمنٹس سے ادارے کا کوئی تعلق نہیں ہے۔
