ریاض: سعودی حکومت نے جرم ثابت ہونے پر ایک خاتون اور دو پاکستانیوں سمیت چار افراد کے سر قلم کردیے۔
تفصیلات کے مطابق سعودی حکام نے ملزمان کو گزشتہ برس منشیات اسمگلنگ کے الزام میں گرفتار کیا جنہوں نے دورانِ سماعت اپنے جرم کا اعتراف بھی کیا۔
سعودی میڈیا رپورٹس کے مطابق ملزمان کو دورانِ کیس صفائی کا مکمل اختیار دیا گیا، جرم ثابت ہونے پر چار افراد جن میں ایک خاتون بھی شامل ہے اُن کا ایک روز قبل سر قلم کیا گیا۔
سعودی پریس ایجنسی (ایس پی اے) کی رپورٹ کے مطابق وزارت داخلہ کے حکام نے عدالتی فیصلے کی روشنی میں مکے میں مجرمان کے سرقلم کیے، جن کے سر قلم کیے ان میں 2 پاکستانی، ایک یمنی شخص اور ایک نائیجیرین خاتون شامل ہیں۔
سعودی پریس ایجنسی کے اعداد و شمار کے مطابق رواں سال سعودی عرب میں مختلف جرائم میں 53 افراد کو سزائے موت دی جا چکی ہے۔
