کراچی: پاکستان تحریک انصاف کے رکن قومی اسمبلی اور رمضان نشریات کے قابل ذکر معروف اینکر پرسن عامر لیاقت حسین رواں سال سرکاری ٹیلی ویژن پر رمضان نشریات کریں گے۔
ڈاکٹر عامر لیاقت نے سماجی رابطے کی ویب سائٹ پر اعلان کیا کہ وہ امسال رمضان نشریات پاکستان ٹیلی ویژن، پاکستان ٹیلی ویژن ورلڈ، پاکستان ٹیلی ویژن گلوبل اور پی ٹی وی ہوم پر کریں گے۔
انہوں نے آگاہ کیا کہ پہلا شو رمضان کی چاند رات ایک بجے سے اذان فجر تک ہوگا بعد ازاں دوپہر 2 بجے سے اذان مغرب تک افطاری اور پھر رات 9 سے 10 بجے تک پی ٹی وی ہوم پر ’’انعام 10 تک‘‘ پروگرام نشر کیا جائے گا۔
عامر لیاقت نے مزید آگاہ کیا کہ رات 10 سے 12 بجے تک پروگرام شب وجدان ہوگا۔
میں اس سال رمضان نشریات @PTVNewsOfficial @WorldPTV @PTVGlobal
پر کررہا ہوں, کسی اور چینل پر نہیں
ابتدائے سحر : رات1 بجے سے اذان فجر تک
افطار نشریات: دوپہر 2 بجے سے اذان مغرب تک
اس کے بعد "انعام 10تک" رات 9 بجے سے 10 بجے تک @PTVHomeOfficial پر
اور 10 بجے سے 12 تک "شب وجدان"— Aamir Liaquat Husain (@AamirLiaquat) April 22, 2019
قبل ازیں عامر لیاقت حسین شب برأت پر خصوصی پروگرام سرکاری ٹیلی ویژن پر کرچکے ہیں جس کی ٹی آر پی بہت اچھی رہی تھی۔
