کراچی بجلی کی ترسیل کرنے والی کمپنی نے بلدیہ وسطی کے چاروں زونز کی بجلی منقطع کردی جس کے باعث دفتری امور ٹھپ ہوگئے۔
ڈسٹرکٹ سینٹرل کے انچار ریحان ہاشمی کا کہنا تھا کہ کے الیکٹرک نے واجبات کی عدم ادائیگی کا بہانہ بنا کر بجلی منقطع کردی جبکہ کے الیکٹرک پر بلدیہ وسطی کے 26 ارب کے واجبات ہیں۔
اُن کا کہنا تھا کہ کے الیکٹرک فوری طور پر بلدیہ وسطی کے واجبات ادا کرے۔ دوسری جانب معاملے میں تاحال کوئی پیشرفت نہ ہوسکی اور کل تعطیل کی وجہ سے دونوں ادارے بند ہوں گے۔
