واٹس ایپ کا اسٹیس فیچر

واٹس ایپ نے اپنی 8 ویں سالگرہ کے موقع پر صارفین کے لیے خودکار طور پر غائب ہوجانے والے اسٹیٹس کا فیچر متعارف کرادیا ہے جو اس ایپ کی حالیہ عرصے میں سب سے بڑی تبدیلی ہے۔

واٹس ایپ کی جانب سے جاری بیان کے مطابق 8 سال مکمل ہونے پر واٹس ایپ میں اسٹیٹس فیچر کو بالکل نئے انداز سے متعارف کرایا جارہا ہے۔

اس حوالے سے واٹس ایپ کےکیمرے کو حال ہی میں ری ڈیزائن کیا گیا تھا جس کے ذریعے صارفین تصویریں، ویڈیوز اور جی آئی ایف ایموجی، ٹیکسٹ اور ڈراﺅنگ شئیر کر سکیں گے۔

اسٹیٹس فیچر کے ذریعے بھیجے جانے والے پیغامات 24 گھنٹے بعد ختم ہو جائیں گے جبکہ دیگر میسیجز کی طرح کانٹیکٹس کو کسی بھی وقت میوٹ اور ان میوٹ کیا جا سکتا ہے۔

یہ فیچر اینڈرائیڈ، آئی او ایس اور ونڈوز صارفین کے لیے دستیاب ہوگا۔

بیان میں بتایا گیا کہ 8 سال پہلے جب واٹس ایپ کو متعارف کرایا گیا تو یہ اسٹیٹس اپ ڈیٹس شئےر کرنے والی ایپ تھی، جس میں لوگ ایک مختصر سے ٹیکسٹ کے ذریعے اپنے دوستوں کو آگاہ کرتے تھے کہ وہ کیا کر رہے ہیں۔

جب یہ دیکھا گیا کہ لوگ اس فیچر کو پیغامات بھیجنے کے لیے استعمال کر رہے ہےں تو واٹس ایپ کو ری ڈیزائن کیا گیا تھا۔

آج بھی لوگ اسے جاننے والوں کو یہ بتانے کے لیے استعمال کرتے ہیں کہ وہ کیا کر رہے ہیں جبکہ فوٹوز اور ویڈیوز کو بھی شیئر کیا جاتا ہے۔

اس وقت واٹس ایپ میں روزانہ 50 ارب پیغامات بھیجے جاتے ہیں جبکہ فوٹوز بھیجنے کی شرح میں دوگنا اور ویڈیوز ارسال کرنے کی شرح میں تین گنا اضافہ ہوا۔

بشکریہ ڈان نیوز

اپنا تبصرہ بھیجیں:

اپنا تبصرہ بھیجیں