لندن: ورلڈکپ 2019 کی بکنگم ہاؤس میں ہونے والی افتتاحی تقریب میں قومی کرکٹ ٹیم کے کپتان سرفراز احمد کی سادگی نے اداکارؤں کو دیوانہ بنا دیا۔
تفصیلات کے مطابق دو روز قبل برطانوی شاہی محل کے سامنے ورلڈکپ 2019 کے کپ کی رونمائی اور رنگا رنگ افتتاحی تقریب کا انعقاد کیا گیا جس کے بعد تمام کپتانوں کی ملکہ برطانیہ سے بھی ملاقات ہوئی۔
پاکستانی کرکٹ ٹیم کے کپتان نے افتتاحی تقریب اور ملکہ برطانیہ سے ملاقات میں پاکستان کا قومی لباس زیب تن کیا۔ سرفراز احمد نے سفید قیمص شلوار اور سبز رنگ کا کورٹ پہنا۔
کپتان کی سادگی اور منفرد انداز پر لوگوں نے انہیں سراہا اور ملکی ثقافت زندہ رکھنے کے اقدام کو بہترین قرار دیا۔ سرفراز کی سادگی اور انداز نے دو پاکستانی اداکارؤں کو بھی دیوانہ بنا دیا۔
ستارہ امتیاز حاصل کرنے والی اداکارہ مہوش حیات نے سماجی رابطے کی ویب سائٹ پر سرفراز کی تصاویر شیئر کرتے ہوئے لکھا کہ ’’مرد سفید رنگ قمیص شلوار میں اچھا اور بہت زیادہ متاثر کن نظر آتا ہے‘‘۔
اداکارہ نے لکھا کہ سرفراز آپ کے لیے نیک تمنائیں اور بہت ساری دعائیں،پوری قوم کو امید ہے آپ ہمیں مایوس نہیں کریں گے اور ہمیں اچھے میچز دیکھنے کو ملیں گےـ مہوش حیات نے قومی ٹیم کے لیے بھی نیک خواہشات کا اظہار کیا۔
I think that apart from a uniform, a white shalwar kamiz always looks very attractive on a man. Good luck to @SarfarazA_54 and the boys !
you carry the dreams and hopes of the whole nation on your shoulders. I am sure that you will not disappoint. #CricketWorldCup2019 🏏 pic.twitter.com/Yx42Ivlxrk
— Mehwish Hayat TI (@MehwishHayat) May 30, 2019
بین الاقوامی شہرتِ یافتہ پاکستانی اداکارہ ماہرہ خان نے بھی کپتان سرفراز کی تصویر شیئر کرتے ہوئے انہیں خوبصورت قرار دیا، کپتان سمیت پوری ٹیم کو ماہرہ نے بھی گڈ لک کہا۔
Looking good @SarfarazA_54 🙌🏼👊🏼 lots of luck to our team 🇵🇰 pic.twitter.com/Z4XThvwJNr
— Mahira Khan (@TheMahiraKhan) May 30, 2019
