کراچی: شوال کا چاند دیکھنے کے لیے رویت ہلال کمیٹٰ کا اجلاس مفتی منیب الرحمان کی زیر صدارت چار جون کو ہوگا۔
محکمہ موسمیات نے چاند نظر آنے کا قوی امکان ظاہر کرتے ہوئے پیش گوئی کی ہے کہ شوال 1440 ہجری کے چاند کی پیدائش آج دوپہر تین بج کر دو منٹ پر ہوجائے گی اور غروب آفتاب کے وقت اس کی عمر 4 گھنٹے 16 منٹ ہوگی۔
محکمہ موسمیات کے مطابق کراچی میں کل غروب آفتاب کے وقت چاند کی عمر 28 گھنٹے 16 منٹ ہوگی اس لیے چاند ایک گھنٹے تک کراچی اور اُس کے مضافات میں واضح نظر آئے گا۔
ملک بھر میں عید الفطر پانچ جون کو منائے جانے کا قوی امکان ہے، حیران کُن اور دلچسپ بات یہ ہے کہ مصری کیلنڈر کے تحت چلنے والی بوہرہ کمیونٹی بھی پانچ جون کو ہی عید منائے گی۔
