لاہورـ وزیراعلیٰ پنجاب اور وزیراعلیٰ بلوچستان نے عید پر ڈبل سواری اور ون ویلنگ پرپابندی عائد کردی۔
عثمان بزدار نے ون ویلنگ ک روک تھام کیلئےمؤثراقدامات کی ہدایت جاری کی جبکہ پولیس کو بلاامتیاز کریک ڈاؤن کا حکم بھی جاری کیا، اُن کا کہنا تھا کہ ون ویلنگ سے زندگیاں خطرے میں ڈالنے کی اجازت نہیں دی جاسکتی، شکایت سامنے آنے پر متعلقہ پولیس افسر کے خلاف کارروائی ہوگی،ون ویلنگ روکنے کیلئے خصوصی ٹیمیں تشکیل دی جائیں اور گرفتار ہونے والے ملزمان کو سخت سزائیں دی جائیں۔
بلوچستان حکومت کی جانب سے جاری ہونے والے نوٹی فکیشن میں بتایا گیا ہے کہ عید کے پہلے روز سیکیورٹی خدشات کے پیش نظر شہر بھر میں موٹر سائیکل کی ڈبل سواری پر 6 گھنٹے تک پابندی عائد ہوگی، اطلاق صبح 6 بجے سے دوپہر 2 بجے تک ہوگا۔
