کراچی: مہاجر قومی موومنٹ (حقیقی) کے چیئرمین آفاق احمد نے کہا ہے ک الطاف حسین کی وجہ سے مہاجر قوم کو غدار یا ملک دشمن قرار دینا ناقابلِ برداشت ہے کیونکہ یہ ملک ہمارے آباؤ اجداد نے بنایا۔
پارٹی پروگرام میں کارکنوں سے خطاب کرتے ہوئے آفاق احمد کا کہنا تھا کہ مصطفی کھر نے بھارتی ٹینکوں پر بیٹھ کر آںے کی بات کی، خان غفار خان نے کابل میں دفن ہونا پسند کیا، جی ایم سید نے پاکستان پر تلوار پھیر کر تالیاں بجوائیں تو کیا پنجابی، پختون اور سندھی قوم کے لیے بھی یہی معیار بنایا جو مہاجروں کے لیے ہے۔
آفاق احمد کا کہنا تھا کہ جب یہ معیار دوسری قوموں کے لیے نہیں اور آپ نے انہیں غدار قرار نہیں دیا تو ایک شخص کی وجہ سے پوری مہاجر قوم کو غدار قرار دینا ناقابلِ برداشت ہوگا۔
