کراچی: جامعہ کراچی میں حفاظتی انتظامات مزید سخت اور موثر بنانے کا فیصلہ کرلیا گیا جس کے تحت بیرونی دیوار کو اونچا اور مزید 200 سی سی ٹی وی کیمرے نصب کیے جائیں گے۔
فیصلہ کیا گیا ہے کہ جامعہ کراچی میں نصب پرانے کیمروں کی مرمت کی جائے گی جبکہ ساتھ میں مزید 200 نئے سی سی ٹی وی کیمرے نصب کیے جائیں گے تاکہ جامعہ کی نگرانی کے عمل کو مزید موثر بنایا جاسکے، جامعہ کراچی کے اطراف بیرونی حفاظتی دیوار کو بھی 2 فٹ بلند کیا جارہا ہے۔
یہ بھی فیصلہ کیا گیا ہے کہ رینجرز گشست سمیت دیگر سیکیورٹی اہلکاروں کے گشت کو مسلسل کیا جائے گا، اعلٰی تعلیمی کمیشن کی جانب سے جامعہ کراچی کو سیکیورٹی انتظامات کی مد میں5 کروڑ روپے ادا کر دیے گئے۔