اسلام آباد: محکمہ صحت نے تصدیق کی ہے کہ ملک بھر میں کرونا وائرس سے متاثرہ افراد کی تعداد ایک ہزار 102 ہوگئی۔
رپورٹ کے مطابق سندھ 417، پنجاب 323، بلوچستان 131، خیبر پختونخوا 121، اسلام آباد 5، آزاد کشمیر 1، گلگت بلتستان میں متاثرین 84 ہوگئے۔ پاکستان میں اب تک کرونا وائرس کے باعث 8 افراد جاں بحق، 21 افراد صحت یاب جبکہ 5 کی حالت تشویشناک ہے۔ گزشتہ 24 گھنٹوں کے دوران کرونا وائرس کے 80 نئے کیسز رپورٹ ہوئے ہیں۔
حیران کن طور پر سندھ میں کرونا کے مریضوں کی تعداد رک گئی، ذرائع کے مطابق اسپتالوں میں کرونا کی تشخیص کی ٹیسٹ کٹس ختم ہونے کی وجہ سے فی الحال ٹیسٹ کے عمل کو روکا گیا ہے۔ کل چین سے پہلی کھیپ سندھ پہنچی جس کی اسپتالوں میں آج تقسیم کی جائے گی۔
