صحافی عزیز میمن قتل کیس، کئی قاتل گرفتار کرلیے، پولیس کا دعویٰ
نوابشاہ: صحافی عزیز میمن قتل کیس کا معمہ پولیس نے حل کرلیا، اس ضمن میں تحقیقاتی کمیٹی نے اہم لوگوں کو گرفتار کیا جنہوں نے قتل کا اعتراف کر لیا ہے۔
اے آئی جی نے پریس کانفرنس کرتے ہوئے کہا کہ ملزم نذیر نے تفتیش کے دوران مزید ملزمان کےنام بھی بتائے، کیس میں ابھی تک 3 ملزمان کو گرفتار کرچکےہیں، مزید 5کو گرفتارکرناہے، اس میں جو بھی ملوث ہوگا جے آئی ٹی ایمانداری کے ساتھ تحقیقات کرے گی۔
انہوں نے بتایا کہ گرفتار ملزمان میں نذیر، فرحان، امیر شامل ہیں، چار ملزمان کے نام ابھی نہیں بتار ہے ، گرفتاری کےبعدبتائیں گے، عزیزمیمن کا قتل ہوا اور جنہوں نے قتل کیا ان کو گرفتار کیا جاچکاہے، نذیر کوجب پہلے گرفتار کیا تو اس کے خلاف شواہد نہیں تھے۔
