اہم ترینپاکستان

مریم نواز کی نواز شریف سے سے جذباتی ملاقات، ‘ہر آنکھ اشکبار’

ذرائع

مسلم لیگ ن کی نائب صدر مریم نواز تقریبا چار سال کے عرصے کے بعد لندن پہنچ گئیں۔

مریم نواز دو روز قبل لاہور کے علامہ اقبال انٹرنیشنل ایئرپورٹ سے براستہ قطر لندن کیلیے روانہ ہوئیں اور پھر انہوں نے قطر میں اپنا قیام ایک دن بڑھایا۔

قطر میں مریم مواز کے ساتھ ان کی بہو اور بیٹا جنید صفدر موجود تھا، دوحا میّ مریم نے سیاسی رہنماؤں سے ملاقاتیں بھی کیں۔

قطر سے وہ اپنے بیٹے کے ہمراہ لندن روانہ ہوئیں اور اب سے کچھ دیر قبل ہتھرو ائیرپورٹ پر پہنچی جہاں ان کا استقبال حسن نواز نے کیا۔

بعد ازاں مریم نواز ایون فیلڈ اپارٹمنٹ پہنچی جہاں ن لیگی کارکنان نے گل پاشی اور والہانہ نعروں کے ساتھ ان کا استقبال کیا۔

ائیرپورٹ پہنچنے پر پی ٹی آئی اور ن لیگ کے کارکن آمنے سامنے آئے جس کی وجہ سے بدنظمی بھی ہوئی، علاوہ ازیں ایون فیلڈ پارٹمنٹ کے باہر ن لیگی کارکنان کی جانب سے خاتون رپورٹر کے ساتھ بدتمیزی کا واقعہ بھی پیش آیا۔

مریم نواز نے اپنے استقبال کے لیے آئے کارکنان سے مختصر خطاب کیا اور ان کا شکریہ بھی ادا کیا۔ بعد ازاں تین سال کے طویل عرصے کے بعد ان کی اہنے والد نواز شریف سے جذباتی ملاقات ہوئی۔

اس موقع پر مریم نواز والد کے گلے لگ کر روئیں جبکہ نواز شریف بھی روہانسے ہوگئے۔ ذراایع بتاتے ہیں کہ دونوں اس قدر جذباتی ہوئے کہ کمرے میں موجود ہر شخص کی آنکھ اشکبار ہوگئی۔

نواز شریف نے عدالت سے بری ہونے پر مریم نواز کو مبارک باد بھی پیش کی۔

مریم نواز ایک ماہ قیام کے بعد نومبر میں اپنے والد نواز شریف کے ساتھ واپس پاکستان آئیں گی۔ ایسا بتانا ہے مسلم لیگ ن کے ذرائع کا

علاوہ ازیں وہ پارٹی اور سیاسی معاملات پر مشاورت کر کے اہم فیصلے بھی کریں گی۔

Related Posts