کراچی: 24 گھنٹوں کے دوران ڈاکووں کے ہاتھوں 2 بے گناہوں کی جانیں چلی گئیں، بلدیہ میں گھر کے واحد کفیل اور اورنگی میں 7 بچوں کا والد نشانہ بن گیا۔
بلدیہ گلشن مزدور میں ڈاکووں نے ڈکیتی کے دوران 18 سالہ نعیم کو قتل کردیا،مقتول کی دادی کہتی ہیں نعیم گھر کیلئے پانی لینے گیا تھا، ادھر اورنگی میں ڈاکووں نے سوزوکی ڈرائیور 55 سالہ واجد کو قتل کردیا۔
مقتول منڈی کے بیوپاریوں کو پک اینڈ ڈراپ دیتا تھا، پولیس کے خوف سے آزاد ڈاکو رواں سال 11 افراد کی جان لے چکے ہیں۔
وارداتوں میں بے گناہ شہریوں کا قتل قانون نافذ کرنے والے اداروں کی کارکردگی پر سوالیہ نشان ہے۔
