کراچی: آئی جی سندھ غلام نبی میمن کا کہنا ہےکہ جو پولیس افسر کارکردگی نہیں دکھاسکتا، وہ اہم پوسٹ کے قابل نہیں، اسٹریٹ کرائم کی روک تھام سے متعلق اجلاس میں کراچی پولیس چیف سمیت دیگر افسران شریک ہوئے۔
اجلاس سے خطاب میں آئی جی سندھ کا کہنا تھا کہ افسران کی کارکردگی پر احتساب کا عمل شروع کردیا، تھانوں کے افسران کارکردگی پر توجہ دیں، اسنیپ چیکنگ اور پیٹرولنگ مزید سخت بنائی جائے، گرفتار مجرموں سے برآمد اسلحہ اور کیسز کا فیڈ بیک سی ٹی ڈی سے لیں گے۔
آئی جی سندھ نے تقرر، تبادلوں کا نوٹیفکیشن جاری کردیا، ایس ایس پی ایسٹ عبدالرحیم شیرازی کا تبادلہ کرکے انہیں اے وی سی سی کا ایس ایس پی مقرر کیا گیا، ان کی جگہ زبیر نذیر شیخ کو ایس ایس پی ایسٹ تعینات کیا گیا، عرفان علی سموں کو ایس ایس پی کشمور تعینات کیا گیا۔
