کراچی : وفاقی وزیرتخفیف غربت،سماجی تحفظ اورچیئرپرسن بینظیرانکم سپورٹ پروگرام شازیہ عطا مری نے کہا ہے کہ حکومت کوشش کریگی آئی ایم ایف معاہدے کا اثر غریب عوام پرنہ پڑے اور کوئی بھی اس حق میں نہیں کہ ہمیں قرض لینے پڑیں،وزیراعظم شہبازشریف نے کفایت شعاری اپنانے کے حوالے سے کمیٹی بنائی ہے،گزشتہ حکومت کے فیصلوں کے نتائج آج بھگت رہے ہیں اورآئی ایم ایف سے مذاکرات میں ملکی ترجیحات دیکھی جائیں گی۔
ان خیالات کا اظہارانہوں نے بینظیرانکم سپورٹ پروگرام کے بینظیرکفالت میں خواجہ سراؤں کو شامل کرنیکی تقریب کے بعد میڈیا کے نمائندوں سے بات چیت کرتے ہوئے کیا۔
وفاقی وزیر نے کہا کہ عمران خان کے الزامات تشویش ناک ہیں،انکی حکومت میں دہشتگردوں کیلئے جیلیں توڑی گئیں،آصف زرداری کیخلاف الزامات پرعدالت جائیں گے۔
انہوں نے کہا کہ اب خواجہ سراؤں کی بھی بینظیرکفالت پروگرام سے معاشی معاونت کی جائیگی اوررجسٹرڈ خواجہ سراؤں کو 7 ہزارروپے سہ ماہی ملیں گے۔
تقریب سے بیرسٹرمرتضیٰ وہاب،خواجہ سرا کمیونٹی کے رہنماؤں ڈاکٹرمیرب، بندیا رانی نے بھی خطاب کیا۔
