اسلام آباد: حکومت نے ٹیکس چوری اور مالی فراڈ میں ملوث افراد کے گرد گھیرا تنگ کرنے کا فیصلہ کیا ہے جس کیلئے بڑی کاروائی میں عدلیہ کی بھی خدمات حاصل کی جائیں گی۔
حکومتی ذرائع کے مطابق ٹیکس چوری، کرپشن اور مالی فراڈ میں ملوث افراد کے گرد گھیرا تنگ کرنے کا فیصلہ کیا اور حکومت نے اس حوالے سے بڑی کارروائی کی تیاری مکمل کر لی ہے ۔ذرائع کا کہنا ہے وفاقی حکومت نے اسلام آباد سمیت چاروں صوبوں کی ہائیکورٹس سے تعاون حاصل کرلیا ہے۔
بے نامی ایکٹ کے تحت ٹرائل کیلئے عدالتوں کو خصوصی اختیارات دینے کا فیصلہ کرتے ہوئے وفاقی کابینہ نے وزارت قانون کی سمری کی سرکولیشن منظوری بھی دیدی۔وفاقی حکومت نے بے نامی ایکٹ2017 کو فعال کردیا، وزارت قانون نے خصوصی عدالتوں کیلئے چیف جسٹس صاحبان سے رجوع بھی کر لیا،چیف جسٹس صاحبان کے نامزد کردہ نمائندوں کو خصوصی اختیارات دیدیئے گئے ۔
