مشرف محسن تھے، شاندار طریقے سے الوادع کریں گے، ایم کیو ایم کا اعلان

کراچی: متحدہ قومی موومنٹ (ایم کیو ایم) پاکستان نے اعلان کیا ہے کہ سابق صدر پرویز مشرف کا جسد خاکی کراچی آیا تو ان کی تدفین شان دار اور یاد گار انداز سے کریں گے۔

کراچی میں جنرل ورکرز اجلاس سے خطاب میں کنوینر خالد مقبول صدیقی نے کہاکہ آج شب غم ہے پاکستان کے محسن پرویزمشرف انتقال کرگئے، آمر ہوتے ہوئے بھی پرویزمشرف نے بنیادی جمہوریت کا بہترین نظام دیا اور آزاد میڈیا کی بنیادرکھی۔

انہوں نے کہا کہ متعصب عدالت نے نامناسب کلمات کہے تو پرویز مشرف سے اظہار یکجہتی کیلئے پورا کراچی باہرآگیا۔