انقرہ : ترکیہ میں قیامت خیز زلزلے کے بعد وہاں پر موجود سعودی عرب کے شہریوں کو واپس بلانے کا سلسلہ شروع کردیا گیا ہے۔
انقرہ میں قائم سعودی سفارت خانے نے اپنے آفیشل ’ٹویٹر‘اکاؤنٹ کے ذریعے سعودی شہریوں کے ترکیہ سے انخلاء، ان کی روانگی کے انتظامات اوراضنہ ایئرپورٹ کے ذریعے سعودی عرب جانے کے لیے روانہ ہونے کی تصاویر شائع کی ہیں۔
سعودی سفارت خانے کی طرف سے ترکیہ کے زلزلہ متاثرہ علاقوں میں موجود سعودی شہریوں سے اپیل کی ہے کہ وہ سفارت خانے کے ساتھ رابطہ کریں۔ اس حوالے سے سفارت خانے نےسعودی شہریوں سے رابطے کے لیے ایمرجنسی رابطہ سیل قائم کردیا ہے تاکہ سعودی شہریوں کی واپسی کے لیےاور کسی مشکل میں ان کی مدد کی جا سکے۔
سفارت خانے کا کہنا ہے کہ وہ ترک حکام کے ساتھ رابطے میں ہیں تاکہ زلزلے سے متاثرہ علاقوں میں موجود سعودی شہریوں کی مدد کی جا سکے اوران کے انخلا کی کوشش کی جا سکے۔
