اسلام آباد: عمرہ ادائیگی کے لیے جانے والے زائرین کے لیے زبردست خوشخبری آ گئی۔سعودی حکومت نے زائرین کو تمام ائیرپورٹس پر سفر کی اجازت دے دی۔
سعودی حکومت نے عمرے کے ویزے کے حامل زائرین کو سعودی عرب کے تمام انٹرنیشنل ائیرپورٹ پر سفر کی اجازت دے دی۔اس سے قبل عمرے کے ویزے کے حامل مسافر صرف جدہ اور مدینہ ائیرپورٹ سے سفر کرتے تھے۔
سول یوی ایشن کے مطابق ملکی و بین الاقوامی پروازیں عمرہ زائرین کے لیے سعودی عرب کا کوئی بھی انٹرنیشنل ائیرپورٹ استعمال کر سکتی ہیں۔سعودی ایوی ایشن کے مطابق دمام، القسیم، ریاض سمیت تمام ائیرپورٹس سے آمد اور روانگی کی سہولت دستیاب ہو گی۔پروازوں کو نئے نوٹیفیکیشن پر سختی سے عملدرآمد کی ہدایت کی گئی ہے جبکہ احکامات کی خلاف ورزی کرنے والی ائیرلائنز کے خلاف سخت کارروائی ہو گی۔
