کراچی : اداکارہ سجل علی نے کرینہ کپور خان کی فلم ’کبھی خوشی کبھی غم‘ سے مشہور کردار ’پوجا (Poo)‘ کو نئے انداز میں پیش کیا۔برطانوی صحافی ہارون رشید نے انسٹاگرام پر سجل علی کے ساتھ اپنی ویڈیو شیئر کی ہے۔
اس ویڈیو میں دونوں نے فلم ’کبھی خوشی کبھی غم‘ کے ایک سین کو اپنے انداز میں دوبارہ پیش کیا، جس میں ایک لڑکا پوجا سے اپنے ساتھ فلم دیکھنے کے لیے چلنے کو کہتا ہے اور پوجا اس پیشکش کو انتہائی نرالے انداز میں ٹھکرا دیتی ہے۔
سجل علی اور ہارون رشید دونوں نے ہی فلم کے اس منظر کو بہت زبردست انداز سے پیش کیا ہے اور سوشل میڈیا صارفین کی جانب سے اس ویڈیو کو بہت پسند بھی کیا جارہا ہے۔
