کراچی : سندھ بھر میں تمام سرکاری اداروں سمیت اہم مقامات پر مزید دہشت گردحملوں کے خطرات منڈلانے لگے ۔
اس سلسلے میں ذرائع نے بتایاہے کہ قومی سلامتی کے اداروں نے سندھ کے سرکاری اداروں کو ایک ماہ قبل ہی اس حوالے سے ہدایات جاری کردی تھی ۔
ممکنہ حملوں کے سبب اہم اداروں کو داخلی اور خارجی راستوں پرموثر سکیورٹی امور انجام دینے کی وارننگ بھی دی گئی تھی، سی سی ٹی وی کیمرے مکمل طور پر فعال رکھنے کے احکامات بھی دیے گئے تھے ۔
صوبے بھر میں سیکورٹی سخت ہونے پر دہشت گردوں نے رات کے اندھیرے اور پولیس وردی کا فائدہ اٹھایا اور رات کی تاریکی میں پولیس پر حملہ کیا۔
